BELSENE NURANÍYLAR MENEN ABADANLASTÍRÍW MÁSELELERI DODALANDÍ

♻️ Búgin Xalıq deputatları Shımbay rayonlıq Keńesi baslıǵınıń «Temir jol gúzarı» máhálle puqaralar jıyını aymaǵındaǵı belsendi nuranıylar menen gezektegi ushırasıwı bolıp ótti.

✅ Ushırasıwda Ózbekstan Respublikası Prezidentiniń 2026-jıl 16-iyul kúngi keńeytirilgen videoselektor májilisinde belgilep berilgen áhmiyetli tapsırmalardıń mazmun-mánisi keńnen túsindirildi. Atap aytqanda, Watanımız ǵárezsizliginiń 35 jıllıq bayramı aldınan mámleketimiz boylap «Máhállede abadanlıq hám miyrim-shápáát aylıǵı»n joqarı kóterinki keypiyatta ótkeriw máselesine ayrıqsha itibar qaratıldı. Sonday-aq, aymaqtaǵı hár bir kóshede abadanlastırıw, tazalıq hám dóretiwshilik jumısların jedellestiriw, bul qayırlı islerge keń jámiyetshilikti, sonıń ishinde, nuranıylardıń bay ómirlik tájiriybesinen paydalanıw kerekligi atap ótildi.

✍️ Nuranıylar óz gezeginde máhálleniń rawajlanıwı hám jas áwladtı úlgili islerge baǵdarlawda ózleriniń múnásip úlesin qosatuǵınlıǵın bildirdi.