Xalq deputatlari Qo‘qon shahar Kengashi deputati G.Rasulova tomonidan "Yalong'och ota" mahalla fuqarolar yig‘inida fuqaro murojaati asosida joyiga chiqib o‘rganish ishlari olib borildi.

O‘rganishda Xalq deputatlari Qo‘qon shahar Kengashi mudiri A.Nosirov va Kengash kotibiyati bosh mutaxassisi A.Adhamovlar hamda mahalla "yettiligi" a’zolari ishtirok etib, murojaatda ko‘tarilgan masalalar atroflicha muhokama qilindi hamda fuqaroning ijtimoiy holati o‘rganildi.

Uchrashuv davomida ehtiyojmand fuqarolarga ko‘rsatilayotgan ijtimoiy yordamlar, mavjud qo‘llab-quvvatlash mexanizmlari hamda davlat tomonidan yaratilgan ijtimoiy himoya imkoniyatlari yuzasidan mas’ullar tomonidan tegishli tushuntirishlar berildi.

Shuningdek, fuqaroning murojaatini amaldagi qonunchilik asosida ko‘rib chiqish, zarur ijtimoiy yordam choralarini belgilash hamda masalani tegishli tashkilotlar bilan hamkorlikda hal etish yuzasidan fikr almashildi.

Xalq deputatlari Qo‘qon shahar Kengashi