Xalq deputatlari Chilonzor tumani Kengashining 2026-yil 7-iyuldagi III-22-66-14-204-K/26-son qarori bilan tumanda yoshlarning kitobxonlik madaniyatini yuksaltirish, ularning adabiyot va san’atga bo‘lgan qiziqishini oshirish hamda ijodkor yoshlarni har tomonlama qo‘llab-quvvatlashga qaratilgan adabiy kechalarni tashkil etish loyihasi tasdiqlandi.

Mazkur tadbir doirasida iyul–avgust oylarida yosh shoir va yozuvchilar ishtirokida she’riyat kechalari, kitob mualliflari bilan ijodiy uchrashuvlar hamda adabiy-madaniy muloqotlar tashkil etiladi. Tadbirlar shamlar yog‘dusi ostida samimiy va ijodiy muhitda o‘tkazilishi rejalashtirilgan.

Ushbu tashabbus yoshlarning ma’naviy dunyoqarashini boyitish, kitob mutolaasiga bo‘lgan qiziqishini kuchaytirish, milliy adabiyotimizni keng targ‘ib etish hamda iste’dodli yosh ijodkorlarni qo‘llab-quvvatlashga xizmat qiladi.

Mas’ullar:

Chilonzor tumani Yoshlar ishlari bo‘limi — R. Hikmatillayev;

Chilonzor tumani Madaniyat bo‘limi — U. Zakirov;

Respublika Ma’naviyat va ma’rifat markazining Chilonzor tuman bo‘linmasi — Z. Suyarova.