Xalq deputatlari Mirzo Ulug‘bek tumani Kengashi kotibiyati mudiri, 6-"Sayram" saylov okrugi deputati, Adolat SDP a’zosi  Shoanvar Shomaxmudov o‘z saylov okrugida faoliyat yuritayotgan mahalla yettiligi a’zolari bilan uchrashuv o‘tkazdi.

Uchrashuv davomida mahalla vakillari bilan hududda amalga oshirilayotgan ishlar, aholi murojaatlari, ijtimoiy himoyaga muhtoj oilalarni qo‘llab-quvvatlash, yoshlar bandligini ta’minlash, xotin-qizlar bilan ishlash, huquqbuzarliklarning oldini olish, obodonlashtirish va sanitariya holatini yaxshilash bo‘yicha amalga oshirilayotgan ishlar muhokama qilindi.

Deputat amalga oshirilayotgan ishlar bilan yaqindan tanishib, fuqarolar murojaatlarini o‘z vaqtida ko‘rib chiqish hamda ularning ijobiy yechimini ta’minlash yuzasidan tegishli ko‘rsatamlar berdi.

Shuningdek, tashrif davomida yoshlar bilan mahallada yozgi ta’til vaqtida bo‘sh vaqtlarini mazmunli tashkil etish, ijtimoiy qo‘llab-quvvatlash bo‘yicha amalga oshirilayotgan ishlar yuzasidan suhbat o‘tkazildi.