📌 Jizzax shahrining 11-“Tinchlik” saylov okrugida aholi muammolarini o‘rganish bo‘yicha navbatdagi o‘rganish ishlari tashkil etildi. Unda Xalq deputatlari Jizzax shahar Kengashi kotibiyati bosh mutaxassisi va shahar Kengashi deputati N.Xosilmurodov, deputat V.Isakov hamda doimiy komissiya raisi B.Toshpo‘latovlar ishtirok etishdi.

🔍 O‘rganish davomida asosiy eʼtibor “Adolatkent” ko‘chasidagi ichimlik suvi muammosiga qaratildi. Xalq vakillari joyiga chiqqan holda mavjud holatni ko‘zdan kechirib, aholining murojaatlarini tinglashdi.

🛠 Yakunda mazkur muammoni qisqa muddatda bartaraf etish, suv tarmoqlarini taʼmirlash yoki yangilash yuzasidan masʼul tashkilotlar bilan birgalikda chora-tadbirlar belgilandi. Masala deputatlik nazoratiga olindi.