Biriktirilgan tashkilot bilan hamkorlik ishlari muhokama qilindi

Xalq deputatlari Qiziriq tumani Kengashi deputati Q.Igamberdiyeva hamda tuman Kengashi kotibiyati bosh mutaxassisi A.Mamarajabov deputatga biriktirilgan tashkilot bilan ishlash yo‘nalishi bo‘yicha Qiziriq tumani "Kelajak" markaziga tashrif buyurdilar.

Tashrif davomida hamkorlikdagi ishlarni yanada samarali tashkil etish, jamoatchilik nazoratini kuchaytirish, nazorat-tahlil tadbirlarini tizimli ravishda o‘tkazish, soha faoliyatida mavjud muammolarni aniqlash va ularni bartaraf etish, shuningdek, amaldagi qonunchilikni takomillashtirishga oid takliflarni shakllantirish hamda tegishli tartibda taqdim etish yuzasidan mas’ul xodimlar bilan o‘zaro fikr almashildi.

Shuningdek, “Dolzarb 90 kun” tadbirlari doirasida yoshlarning yozgi ta’til davrida bo‘sh vaqtini mazmunli va samarali tashkil etish bo‘yicha amalga oshirilayotgan chora-tadbirlar, ularning kasb-hunarga yo‘naltirilishi, iqtidorini rivojlantirish hamda ma’naviy-ma’rifiy tadbirlarga keng jalb etilishi yuzasidan olib borilayotgan ishlar ham o‘rganildi. O‘rganish yakunida tegishli tavsiya va takliflar ishlab chiqildi.

Tashrif doirasida markazda tahsil olayotgan yoshlar ishtirokida ma’naviy-ma’rifiy hamda sport yo‘nalishidagi tadbir va musobaqalar tashkil etildi. Faol ishtirok etgan yoshlar munosib rag‘batlantirilib, ularga esdalik sovg‘alari topshirildi. Tadbir davomida yoshlarni bilim olishga, kasb-hunar egallashga, vatanparvarlik ruhida tarbiyalash hamda ularning bo‘sh vaqtini mazmunli tashkil etish masalalariga alohida e’tibor qaratildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram