📖 O‘zbekiston Respublikasining "Huquqbuzarliklar profilaktikasi to‘g‘risida"gi Qonuni (O‘RQ–371) ijrosi yuzasidan Xalq deputatlari Shovot tumani Kengashi deputati A.Kalandarov tomonidan o‘z saylov okrugidagi Bo‘ston mahallasi profilaktika inspektori I.Jumanovning faoliyati o‘rganildi.
🤝 O‘rganishda kotibiyat mudiri I.Masharipov hamda kotibiyat xodimi U.Ruzmetov ishtirok etdi.
🔎 O‘rganish davomida Bo‘ston mahallasidagi kriminogen vaziyat, huquqbuzarliklar profilaktikasi bo‘yicha amalga oshirilayotgan ishlar hamda jamoat xavfsizligini ta’minlash borasidagi chora-tadbirlar tahlil qilindi.
📊 Ma’lum qilinishicha, bugungi kunda Bo‘ston mahallasi "yashil hudud" toifasiga kiradi. Mahallada 1 nafar fuqaro probatsiya hisobida, 11 nafar fuqaro profilaktik hisobda turibdi.
🎥 Shuningdek, mahalla hududida o‘rnatilgan 17 ta kuzatuv kamerasi to‘liq ishchi holatda bo‘lib, jamoat tartibini saqlash va huquqbuzarliklarning oldini olishga xizmat qilmoqda.
✅ O‘rganish yakunida huquqbuzarliklar profilaktikasi bo‘yicha amalga oshirilayotgan ishlarni izchil davom ettirish hamda jamoat xavfsizligini yanada mustahkamlash yuzasidan tegishli tavsiyalar berildi.