🔰Xalq deputatlari Jizzax shahar Kengashining navbatdagi sessiya muhokamasiga kiritiladigan masalalarni dastlabki tarzda ko‘rib chiqish maqsadida shahar Kengashining “Qurilish, kommunal sohalar, ekologiya, sanoat va transport masalalari bo‘yicha” doimiy komissiya yig‘ilishi o‘tkazildi.

🔻Kun tartibidagi masalalar: 

🔸 1. 2026 yil davomida Jizzax shahrida ekologiya sohasidagi ustuvor vazifalarning bajarilishi, atmosfera havosini muhofaza qilish, hududlarni ko‘kalamzorlashtirish borasida amalga oshirilgan ishlar hamda kelgusida belgilangan vazifalar to‘g‘risidagi ekologiya rahbarining hisobotini eshitish.

🔸2. Jizzax suv taʼminoti” AJ Jizzax shahar filiali boshlig‘ining 2026 yilning o‘tgan davri mobaynida shaharda aholini ichimlik suv resurslaridan foydalanish samaradorligini oshirish hamda kanalizatsiya tizimini yaxshilash borasida amalga oshirilgan ishlar to‘g‘risidagi hisobotni eshitish.

🔹Yig‘ilish davomida, doimiy komissiya aʼzolari yuqoridagi masalalar yuzasidan o‘z fikrlarini bildirib o‘tdilar. Yig‘ilish so‘ngida deputatlar tomonidan bildirilgan fikr-mulohazalarni inobatga olib, doimiy komissiyaning tegishli qarorlari qabul qilindi.