Ko‘chmas mulk ob’ektlari jamoat ehtiyojlari uchun olib qo‘yilganda beriladigan kompensatsiya to‘lovlari soliqlardan ozod qilindi. O‘zbekiston Respublikasining “Shaharsozlik renovatsiyasi to‘g‘risida”gi Qonuni qabul qilindi.

👉O‘RQ-1149, 10.06.2026 yil.

Mazkur Qonun bilan Soliq kodeksining 239, 304 hamda 369-moddalariga tegishli qo‘shimcha va o‘zgartirishlar kiritildi.

Jumladan: Ko‘chmas mulk ob’ektlari va (yoki) pul mablag‘lari yer uchastkalarini kompensatsiya evaziga jamoat ehtiyojlari uchun olib qo‘yish munosabati bilan yoki shaharsozlik renovatsiyasi amalga oshirilishi natijasida kompensatsiya sifatida berilgan bo‘lsa, iqtisodiy jihatdan o‘zini oqlaydigan hollar deb qaralib, qo‘shilgan qiymat solig‘ini hisoblab chiqarishda tovarlarni realizatsiya qilish bo‘yicha aylanma sifatida qaralmasligi;
👉Soliq kodeksining 239-moddasi

Yer uchastkalari kompensatsiya evaziga jamoat ehtiyojlari uchun olib qo‘yilishi munosabati bilan, shuningdek shaharsozlik renovatsiyasi amalga oshirilishi natijasida kompensatsiya sifatida beriladigan ko‘chmas mulk ob’ektlari va pul mablag‘lari foyda solig‘i va aylanmadan olinadigan soliqni hisoblab chiqarishda daromad sifatida hisobga olinmasligi;
👉Soliq kodeksining 304-moddasi

Shaharsozlik renovatsiyasi amalga oshirilishi natijasida kompensatsiya sifatida beriladigan ko‘chmas mulk ob’ektlari va pul mablag‘lari jismoniy shaxslardan olinadigan daromad solig‘ini hisoblab chiqarishda jami daromad tarkibiga kiritilmasligi belgilandi.
👉Soliq kodeksining 369-moddasi