Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston “Milliy tiklanish” demokratik partiyasidan saylangan deputatlar F.Axmedov, J.Abdixayomova tuman hokimi maslahatchisi X.Akmalovlar tomonlaridan O‘zbekiston Respublikasining “Reklama toʻgʻrisida”gi Qonuni ijrosi o‘rganildi.

🔺O‘rganishdan asosiy maqsad hududda joylashtirilgan tashqi reklama vositalari, e’lonlar, peshlavhalar va axborot ko‘rsatkichlarining amaldagi qonunchilik talablariga muvofiqligini tahlil qilish, reklama sohasida mavjud kamchiliklarni aniqlash hamda ularni bartaraf etish choralarini belgilashdan iborat bo‘ldi.

🔺O‘rganish yakunlari bo‘yicha “Reklama to‘g‘risida”gi Qonun talablariga rioya etilishini yanada kuchaytirish, hududning estetik qiyofasini yaxshilash hamda reklama bozorida sog‘lom raqobat muhitini ta’minlash yuzasidan amaliy choralar belgilab olindi.

🔺O‘rganish natijasida reklama sohasida qonunchilik talablariga rioya etish holati tahlil qilinib, mavjud kamchiliklarni bartaraf etish bo‘yicha mas’ullarga tegishli tavsiyalar berildi hamda qonun ijrosini ta’minlash yuzasidan nazorat tadbirlarini davom ettirish zarurligi ta’kidlandi.