Халқ депутатлари Конимех туман Кенгашининг Ўзбекистон “Миллий тикланиш” демократик партиясидан сайланган депутати Рўзигул Муратова Кенгаш котибияти мутахассиси Гулзада Умарова билан биргаликда жорий ойда Кенгаш сессияси кун тартибига киритилиши режалаштирилган масалаларни жойига чиққан ҳолда ўрганиш мақсадида туман Кадастр агентлиги бўлимида бўлди.

Ўрганиш давомида ер участкалари ва кўчмас мулк объектларини давлат рўйхатидан ўтказиш, кадастр ҳужжатларини расмийлаштириш, соҳада рақамлаштириш жараёнлари ҳамда аҳолига кўрсатилаётган давлат хизматларининг сифати ва самарадорлиги масалалари муҳокама қилинди.

Шунингдек, соҳада мавжуд муаммо ва камчиликлар, фуқаролар мурожаатларини ўз вақтида кўриб чиқиш, кадастр хизматларининг очиқлиги ва шаффофлигини таъминлаш масалалари муҳокама қилинди. Ўрганиш натижалари бўйича аниқланган ҳолатлар юзасидан тегишли таклиф ва тавсиялар ишлаб чиқилиб, Кенгаш сессияси муҳокамасига киритилиши белгиланди.