O‘rganish davomida mahalla hududida tozalikni ta’minlash, maishiy chiqindilarni o‘z vaqtida olib chiqish, chiqindi to‘plash joylarining holati, yashil hududlarni asrash hamda aholiga qulay va ozoda muhit yaratish masalalariga alohida e’tibor qaratildi.

Mazkur o‘rganish ishlari “Chiqindilar to‘g‘risida”gi O‘zbekiston Respublikasi Qonuni, №362-IIda belgilangan talablar, xususan, chiqindilarni to‘plash, olib chiqish, zararsizlantirish hamda atrof-muhitni muhofaza qilishga qaratilgan vazifalar ijrosi doirasida olib borilmoqda.

Shuningdek, mahalla faollari va mas’ullar bilan hududda obodonlashtirish ishlarini yanada jadallashtirish, mavjud kamchiliklarni bartaraf etish hamda aholining ekologik madaniyatini oshirish yuzasidan fikr almashildi.

Aniqlangan masalalar yuzasidan tegishli takliflar ishlab chiqilib, ularni bosqichma-bosqich hal etish bo‘yicha zarur choralar belgilandi.

Bizni kuzatishda davom eting!