Boyovut tumani tajribasi asosida ishlab chiqilgan “Yo‘l xarita” hamda uning doirasida amalga oshirilayotgan “Tumanda “Zarbdor” tajribasi asosida shakllantirilgan 1-bosqich “Drayver” loyihalariga zarur infratuzilmani yaratish ishlari” bo‘yicha belgilangan vazifalar ijrosini ta’minlash maqsadida Xalq deputatlari Boyovut tuman Kengashi deputati E.Otaboyev hamda viloyat Kengashi deputati R.Primqulovlar tomonidan joyiga chiqqan holda o‘rganish ishlari olib borildi.

O‘rganish davomida “Yo‘l xarita”ning 48-bandida belgilangan “Bekat” mahallasi hududidan o‘tuvchi 20V014F avtomobil yo‘lining 1 kilometr qismida mikro sanoat zonasi tashkil etish bo‘yicha amalga oshirilayotgan ishlar ko‘zdan kechirildi.

Xususan, mazkur hududda mebelchilik, non va non mahsulotlari ishlab chiqarish, milliy shirinliklar tayyorlash hamda temir mahsulotlarini qayta ishlash yo‘nalishlarida savdo va xizmat ko‘rsatish obyektlarini tashkil etish maqsadida tadbirkorlarga yer maydonlari ajratilganligi, ushbu obyektlar qurilishi boshlanganligi ma’lum qilindi.

Shuningdek, hududning muhandislik-kommunikatsiya infratuzilmasini yaxshilash maqsadida yo‘l bo‘ylab zamonaviy yoritish chiroqlarini o‘rnatish ishlari olib borilayotgani qayd etildi.

O‘rganish yakunida belgilangan vazifalarning o‘z vaqtida va sifatli bajarilishini ta’minlash yuzasidan mas’ullarga tegishli tavsiyalar berildi.