14-Namuna MFY okrugida qabul...

🔹Quvasoy shahar 14-Namuna MFY okrugi hududida aholining muammolarini o‘rganish maqsadida sayyor qabul tashkil etildi.

🔹Qabulda Xalq deputatlari shahar Kengashi
14-Namuna (Namuna, Do'stlik) okrugi deputati A.Nazirov, shahar IIB boshlig‘i J.Xasanov va MFY "yettiligi" ishtirok etishdi.

🔹Sayyor qabulda aholini ijtimoiy qo‘llab-quvvatlash, ish bilan ta’minlash, kommunal va infratuzilma, yo‘llarni ta’mirlash, huquq-tartibot hamda boshqa dolzarb muammolar yuzasidan murojaatlar va takliflar bildirildi.

🔹Bildirilgan har bir murojaat mutasaddilar tomonidan batafsil o‘rganilib, ularni ijobiy hal etish yuzasidan amaliy chora-tadbirlar belgilandi hamda tegishli topshiriqlar berildi.

🔹Bu kabi sayyor qabullar aholining muammolarini joyiga chiqib o‘rganish, fuqarolar bilan samarali muloqotni kuchaytirish va mavjud masalalarga tezkor yechim topishda muhim omil bo‘lib xizmat qilmoqda.