Xalq deputatlari Uzun tumani Kengashi raisi D.Safarova va kotibiyat mudiri Oʻ.Rajabov yoshlar bandligini taʼminlash choralarini oʻrgandilar

Uzun tumanida yoshlarning bandligini taʼminlash va ularni daromad manbai bilan band qilish masalalari deputatlar diqqat markazida.

Xalq deputatlari Uzun tumani Kengashi raisi D.Safarova, Kengash kotibiyati mudiri Oʻ.Rajabov hamda hududiy deputatlar hamkorligida yoshlarga takroriy ekin ekish uchun yer maydonlari ajratish borasida joylarda oʻrganish ishlari olib borildi.

Oʻrganish davomida asosiy eʼtibor quyidagilarga qaratildi:
Ehtiyojmand yoshlarni qoʻllab-quvvatlash: Dehqonchilik qilish istagida boʻlgan ishsiz yoshlarning roʻyxati va takliflari tahlil qilindi.

Yer maydonlari va suv taʼminoti: Gʻalladan boʻshagan yerlarning holati, unumdorligi va takroriy ekinlar uchun suv bilan taʼminlanganlik darajasi koʻzdan kechirildi.

Shaffof taqsimot: Yer maydonlarini yoshlarga adolatli va shaffof usulda ajratish choralari belgilandi