Mahalliy Kengashlar faoliyati sarhisob qilindi Bugun mahalliy vakillik organlari faoliyatining 2026 yilning dastlabki 5 oyi yakunlariga bag‘ishlangan videoselektor yig‘ilishi o‘tkazildi.

Yig‘ilishda hududiy Kengashlarning faoliyati atroflicha tahlil qilinib, deputatlik nazoratini amalga oshirish, aholi murojaatlari bilan ishlash, hududlardagi muammolarni o‘z vaqtida aniqlash va hal etish borasida erishilgan natijalar muhokama qilindi. Shu bilan birga, ayrim yo‘nalishlarda yo‘l qo‘yilgan kamchiliklar tanqidiy baholanib, mas’ullarning hisobotlari tinglandi.

Muhokamalar yakunida mahalliy Kengashlar oldida turgan ustuvor vazifalar belgilab olinib, deputatlarning faolligini oshirish, jamoatchilik nazoratini kuchaytirish hamda xalq manfaatlariga xizmat qiluvchi tashabbuslarni kengaytirish yuzasidan tegishli topshiriqlar berildi.

Aholi muammolariga yechim topish, ochiqlik va hisobdorlikni ta’minlash mahalliy Kengashlar faoliyatining bosh mezoni bo‘lib qolishi ta’kidlandi.