Xalq deputatlari Marg‘ilon shahar Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining navbatdagi yig‘ilishi bo‘lib o‘tdi.

Yig‘ilishda O‘zbekiston Respublikasi Prezidentining 2026-yil 5-fevraldagi PQ-48-son qarori ijrosi holati muhokama qilinib, ushbu hujjatda belgilangan vazifalarning amalga oshirilishi yuzasidan mas’ullar axboroti tinglandi.

Majlisga doimiy komissiya raisi E.Yunusov raislik qildi. Unda kotibiyat mudiri A.Ermatov, doimiy komissiya a’zolari hamda ekspert-maslahat guruhi vakillari ishtirok etdi.

Shuningdek, belgilangan vazifalar ijrosi yuzasidan amalga oshirilayotgan ishlar tahlil qilinib, mavjud imkoniyatlardan yanada samarali foydalanish bo‘yicha taklif va tavsiyalar bildirildi.

Yig‘ilishda doimiy komissiya a’zolari tomonidan qaror ijrosini ta’minlash, ko‘rsatkichlarga erishish hamda hududlarda olib borilayotgan ishlar samaradorligini oshirish yuzasidan fikr-mulohazalar bildirildi.