Xalq deputatlari Qo‘qon shahar Kengashi deputati R.Talipdjanov hamda “Istiqbol” MFY raisi S.Do‘ltayeva ishtirokida mahalla hududida fuqarolar bilan uchrashuv va o‘rganish ishlari olib borildi.

Tashrif davomida hududdagi bir qator xonadonlarga kirilib, aholining yashash sharoiti, ijtimoiy holati hamda ularni qiynab kelayotgan masalalar yuzasidan suhbatlar tashkil etildi.

Ayniqsa, ijtimoiy himoyaga muhtoj oilalar, yolg‘iz keksalar va yoshlar bilan alohida muloqot qilinib, ularning taklif va murojaatlari tinglandi.

Fuqarolar tomonidan bandlik, ijtimoiy yordam, kommunal xizmatlar va boshqa masalalar yuzasidan bildirilgan murojaatlar qayd etilib, ularni hal etish bo‘yicha tegishli chora-tadbirlar belgilandi.

Ayrim masalalarni hal etish yuzasidan mutasaddi tashkilotlarga murojaat qilish, qo‘shimcha o‘rganishlar o‘tkazish hamda amaliy yordam ko‘rsatish bo‘yicha kelishuvlarga erishildi.

Uchrashuv davomida aholi vakillari o‘zlarini qiziqtirgan savollarga javob oldilar hamda ko‘tarilgan muammolar bosqichma-bosqich hal etilishi ma’lum qilindi.

Bunday uchrashuvlar fuqarolar bilan yaqin muloqotni yo‘lga qo‘yish, ularning muammolarini o‘z vaqtida aniqlash va amaliy yordam ko‘rsatishda muhim ahamiyat kasb etmoqda.

Xalq deputatlari Qo‘qon shahar Kengashi