Xalq deputatlari Mirzo Ulug‘bek tumani Kengashi raisi Muyassar Tairovna va Kengash kotibiyati mudiri Shoanvar Shomaxmudov “Yalang‘och” mahallasida “mahalla yettiligi” bilan uchrashuv o‘tkazdi. 

Uchrashuvda “mahalla yettiligi” mahallaning iqtisodiy, ijtimoiy masalalari, xotin-qizlar, yoshlar va nuroniylar hayoti, oilalarni mustahkamlash, hudud infratuzilmasi bilan bog‘liq vazifalar yuzasidan amalga oshirilayotgan ishlar bo‘yicha hisobot berdilar.

Hisobotlar muhokama qilinib, mahalladagi mavjud muammolar, aholi uchun yaratilayotgan sharoitlar va obodonlashtirish ishlarini samarali tashkil etish yuzasidan suhbatlar o‘tkazildi. 

Suhbatlar jarayonida hudud profilaktika inspektoriga hududdagi jinoyatchilikka qarshi kurashish va jinoyatchilikni barvaqt oldini olish yuzasidan olib borilayotgan ishlarning samaradorligiga alohida e’tibor qaratish yuzasidan qo‘shimcha tavsiyalar berildi.