Xalq deputatlari Parkent tumani Kengashiga 21-“Nevich” saylov okrugidan saylangan deputat Yoqubova Xusnora Abduxamidovna o‘zi saylangan hududdagi “Qizilsoy” mahallasida bo‘lib, “Mahalla yettiligi” tomonidan amalga oshirilayotgan ishlar hamda hokim yordamchisi faoliyati samaradorligini o‘rgandi.O‘rganish davomida aholini kambag‘allikdan chiqarish, bandligini ta’minlash, oilaviy tadbirkorlikni rivojlantirish va fuqarolarni qo‘llab-quvvatlash borasida amalga oshirilayotgan ishlar tahlil qilindi.Aniqlanishicha, hokim yordamchisi Bo‘tayev Abdumurod Abduraufovich tomonidan yil boshidan buyon 3 nafar doimiy daromad manbaiga ega bo‘lmagan ishsiz fuqaro kasb-hunar va tadbirkorlik yo‘nalishlarida o‘qitilgan. Shuningdek, 12 nafar fuqaroning doimiy ish bilan ta’minlanishiga ko‘maklashilgan.Bundan tashqari, 10 nafar fuqaroga tadbirkorlik faoliyatini rivojlantirish va biznes tashabbuslarini qo‘llab-quvvatlash maqsadida kredit mablag‘lari ajratilgan. 50 nafar fuqaro o‘zini o‘zi band qilgan shaxs sifatida ro‘yxatdan o‘tkazilib, ularning kichik biznes subyektiga aylanishi uchun zarur amaliy yordam ko‘rsatilib kelinmoqda.Shuningdek, 3 nafar fuqaro uchun mahallada kichik ishlab chiqarish va xizmat ko‘rsatish yo‘nalishlarida mikroloyihalar tashkil etilib, ushbu loyihalar amaliy faoliyatini boshlagani qayd etildi.Uchrashuv yakunida mahalla fuqarolar yig‘ini raisi bilan hamkorlikda aniqlangan muammolarni bosqichma-bosqich hal etish, ijtimoiy himoyaga muhtoj oilalarni qo‘llab-quvvatlash, aholi bandligini yanada oshirish hamda mavjud kamchiliklarni bartaraf etish yuzasidan aniq chora-tadbirlar rejasi ishlab chiqildi. Bu kabi o‘rganishlar hududlarda olib borilayotgan islohotlar samaradorligini oshirish va fuqarolarning turmush farovonligini yuksaltirishga xizmat qiladi.