Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston “Milliy tiklanish” demokratik partiyasidan saylangan deputat F.Axmedov, tuman hokimi maslahatchisi X.Akmalov, Respublika Ma’naviyat va ma’rifat markazi tuman bo‘linmasi rahbari F.Fayzulloyeva va kotibiyat xodimi N.Kurganova tomonlaridan Kadastrlar palatasi tuman filialida O‘zbekiston Respublikasining “Davlat tili to‘g‘risida”gi Qonuni ijrosi o‘rganildi.

🔺O‘rganish jarayonida filialda davlat tilida ish yuritish holati, xizmat hujjatlari, buyruqlar, qarorlar, rasmiy yozishmalar hamda fuqarolarga taqdim etiladigan axborot materiallarining davlat tilida yuritilishi tahlil qilindi. Shuningdek, binoda joylashtirilgan tashqi va ichki yozuvlar, ko‘rsatkichlar, peshlavhalar hamda axborot stendlarining qonun talablariga muvofiqligi ko‘zdan kechirildi.

🔺Nazorat tadbiri davomida fuqarolarga ko‘rsatilayotgan davlat xizmatlarida davlat tilidan foydalanish darajasi, murojaatlarni qabul qilish va ularga javob qaytarish jarayonlarida davlat tilining qo‘llanilishi ham atroflicha o‘rganildi.

🔺Muassasa mas’ullari bilan muloqot chog‘ida davlat tili nufuzini oshirish, xodimlarning davlat tilida ish yuritish ko‘nikmalarini mustahkamlash hamda qonun talablariga qat’iy rioya etish masalalari muhokama qilindi.

🔺O‘rganish natijalariga ko‘ra, qonun ijrosini yanada takomillashtirish, rasmiy hujjatlarda davlat tili me’yorlariga qat’iy amal qilish, axborot materiallarida imloviy va uslubiy xatolarning oldini olish hamda davlat tilining to‘liq va samarali qo‘llanilishini ta’minlash yuzasidan tegishli tavsiyalar berildi.