Xalq deputatlari Bekobod shahar kengashining 12-“Samarqand” saylov okrugi deputati “Adolat” SDP a’zosi G.Abdullayeva shahar kengashi kotibiyati bosh mutaxassisi U.Abdunazarov bilan “Samarqand” mahallasida ichki ko‘chalarni holati fuqarolarning murojaati asosida o‘rganildi. Ma’lum bo‘lishicha 2025-yilning kuz oylarida “Samarqand” mahallasi “Turon berk” ko‘chasida “Shaxmatchi” qo‘rg‘oni yo‘nalishi bo‘yicha yangi kanalizatsiya tarmog‘i o‘tkazilib, asfalt qoplamasini ma’lum bir qismi buzilgan. Biroq, qurilish va montaj ishlari yakunlanganidan so‘ng pudratchi tashkilot tomonidan yo‘l qoplamasi avvalgi holatiga keltirilmadi. Buning oqibatida bugungi kunda mahalla aholisi katta qiyinchiliklarga duch kelmoqda. Mahalla hududida piyodalar uchun maxsus yo‘lakcha mavjud emas. Fuqarolar murojaatnomasi asosida tegishli tashkilotlarga kanalizatsiya tizimi o‘tkazish davomida buzilgan yo‘l qoplamasini sifatli tarzda qayta tiklash va asfaltlash, mahalla hududida aholi (ayniqsa piyodalar va bolalar) xavfsizligini ta’minlash maqsadida zamonaviy piyodalar yo‘lakchasini barpo etish yuzasidan deputatlik so‘rovi bilan murojaat etiladi hamda ijrosi nazoratga olinadi.