Xalq deputatlari Ishtixon tuman Kengashi kotibiyat mudiri N.Kiyamov hamda deputat M.Raximov tomonidan Ishtixon tuman Yoshlar ishlari bo‘limida O‘zbekiston Respublikasining 2016-yil 14-sentabrda qabul qilingan O‘RQ-406-sonli “Yoshlarga oid davlat siyosati to‘g‘risida”gi Qonuni ijrosi yuzasidan o‘rganish olib borildi.

O‘rganish davomida yoshlarning huquq va qonuniy manfaatlarini himoya qilish, ularning bandligini ta’minlash, bo‘sh vaqtini mazmunli tashkil etish, yoshlar tadbirkorligini qo‘llab-quvvatlash hamda iqtidorli yoshlarni rag‘batlantirish borasida amalga oshirilayotgan ishlar tahlil qilindi. Qonunning 5-moddasida yoshlarning huquqlari va manfaatlarini ta’minlash, ularning ma’naviy, intellektual va jismoniy rivojlanishiga ko‘maklashish, bandligini ta’minlash hamda yoshlar tadbirkorligini rivojlantirish davlat siyosatining asosiy yo‘nalishlari sifatida belgilangan.

Shuningdek, O‘zbekiston Respublikasi Prezidenti Administratsiyasi hamda Samarqand viloyati hokimligining topshiriqlariga muvofiq yoshlar uchun yozgi ta’til mavsumini mazmunli tashkil etishga qaratilgan “Dolzarb 90 kun” chora-tadbirlar dasturi ijrosi yuzasidan amalga oshirilayotgan ishlar ham ko‘rib chiqildi.

Xususan, yoshlarni kasb-hunarga o‘qitish, ularning bandligini ta’minlash, mahallalarda “Yozgi kasblar” to‘garaklari va “Intensiv kasb lagerlari” faoliyatini yo‘lga qo‘yish, shuningdek “Ibrat”, “Zakovat”, “Mutolaa” hamda “Ustoz AI” loyihalari doirasida yoshlarning intellektual salohiyatini rivojlantirish bo‘yicha amalga oshirilayotgan ishlar tahlil qilindi.

O‘rganish jarayonida hududlarda yoshlar bilan ishlash tizimi samaradorligi, mavjud imkoniyatlardan foydalanish darajasi hamda yoshlarning bo‘sh vaqtini mazmunli tashkil etish borasidagi vazifalarning ijro holati yuzasidan fikr almashildi.

O‘rganish yakunida yoshlarga oid davlat siyosatini amalga oshirish samaradorligini yanada oshirish, “Dolzarb 90 kun” dasturi doirasidagi tadbirlar qamrovini kengaytirish hamda yoshlarning tashabbuslarini qo‘llab-quvvatlash yuzasidan tegishli tavsiyalar berildi.

Yoshlar manfaatlarini ta’minlash va belgilangan vazifalar ijrosini samarali tashkil etish borasidagi ishlar deputatlik nazorati doirasida davom ettiriladi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)