Deputat sharwashılıq xojalıǵınıń jumısı menen tanıstı

Xalıq deputatları Shımbay rayonlıq Keńesi 25-sanlı “Qanlı jap” saylaw okrugi ÓzLIDEP partiyası deputatı T.Palvaniyazova “Kónshi” MPJ aymaǵındaǵı sharwashılıq xojalıqlarınan birinde bolıp, usı tarawda ámelge asırılıp atırǵan jumıslar menen jaqınnan tanıstı.

Úyreniw dawamında xojalıqta sharwa malların baǵıw, ot-jem bazasın bekkemlew, násilli sharwa bas sanın kóbeytiw jáne gósh hám sút ónimlerin islep shıǵarıw kólemin arttırıw baǵdarında alıp barılıp atırǵan jumıslar úyrenildi.

Sonday-aq, sharwalar menen sóylesiw ótkerilip, olardı qıynap atırǵan mashqalalar, bar imkaniyatlar hám tarawdı jáne de rawajlandırıw máseleleri dodalandı. Deputat tárepinen sharwashılıqtı qollap-quwatlaw, óndiris nátiyjeliligin arttırıw hám jańa jumıs orınların jaratıw boyınsha pikir-usınıslar bildirildi.