Xalq deputatlari Paxtakor tumani Kengashi 15-Pangat saylov okrugi deputati D.Do‘squlova tomonidan Nurli Pangat mahallasida yoshlar yetakchisi tomonidan amalga oshirilayotgan ishlar, tadbirlar samaradorligi hamda yoshlar bandligini ta’minlash borasida olib borilayotgan faoliyat o‘rganildi.

O‘rganish jarayonida mahalladagi yoshlarni kasb-hunarga yo‘naltirish, ularning bo‘sh vaqtini mazmunli tashkil etish, sport va madaniy-ma’rifiy tadbirlarga jalb etish, shuningdek, bandligini ta’minlash maqsadida amalga oshirilayotgan ishlar bilan tanishildi.

Shuningdek, yoshlar bilan ishlash tizimining samaradorligi, yoshlar muammolarini aniqlash va ularni hal etish bo‘yicha olib borilayotgan chora-tadbirlar hamda tadbirkorlikka qiziqishi bo‘lgan yoshlarni qo‘llab-quvvatlash yuzasidan amalga oshirilayotgan ishlar holati ko'zdan kechirildi.