37-sonli umumta’lim maktabidagi qurilish ishlari o‘rganildi.

Xalq deputatlari Qiziltepa tumani Kengashi raisi tomonidan 3-Yashnaobod mahallasi hududida joylashgan 37-sonli umumta’lim maktabida olib borilayotgan qurilish ishlari bilan yaqindan tanishildi.

Tashrif davomida qurilish jarayonlarining borishi, bajarilayotgan ishlar sifati hamda belgilangan muddatlarga rioya etilishi o‘rganildi. Mazkur qurilish ishlari “Hasancha omadi” MCHJ tomonidan amalga oshirilmoqda.

Loyihaning umumiy qiymati qariyb 8,5 milliard so‘mni tashkil etib, mazkur ta’lim muassasasini zamonaviy talablar asosida barpo etish, o‘quvchilar uchun qulay va xavfsiz shart-sharoitlar yaratish ko‘zda tutilgan.

Mutasaddilarning ma’lum qilishicha, qurilish ishlarini 2026-yil yakuniga qadar to‘liq yakunlab, ob’yektni foydalanishga topshirish rejalashtirilgan.