#deputatlik_faoliyati

Xalq deputatlari Toshkent viloyati Kengashi deputati Alisher Turdiyev Nurafshon shahar Kengashi kotibiyati mudiri K.Umarboyev bilan birgalikda mahallalarda aholi, ayniqsa yoshlar va bolalar uchun yaratilgan sport infratuzilmasi holatini o‘rgandi. O‘rganish davomida sport maydonchalari, trenajyorlar, bolalar o‘yingohlari hamda mavjud sport jihozlarining texnik holati, ulardan foydalanish darajasi va fuqarolar uchun yaratilgan sharoitlar ko‘zdan kechirildi.

Deputat tomonidan joylarda aniqlangan kamchiliklar, sport inshootlarini ta’mirlash, eskirgan jihozlarni yangilash hamda aholining ommaviy sport bilan shug‘ullanishi uchun qulay shart-sharoitlarni kengaytirish masalalariga alohida e’tibor qaratildi. Shuningdek, mahalla faollari va fuqarolar bilan muloqot o‘tkazilib, mavjud muammolar va takliflar o‘rganildi.

Mazkur o‘rganish deputatlik nazorati doirasida amalga oshirilib, yoshlar o‘rtasida sog‘lom turmush tarzini targ‘ib etish, bo‘sh vaqtlarini mazmunli tashkil etish hamda sport infratuzilmasini yanada rivojlantirish bo‘yicha tegishli takliflar ishlab chiqilishi belgilandi.

📱 Telegram 📱 Instagram 📱 Facebook