#deputatlik_faoliyati

Xalq deputatlari Angren shahar Kengashi deputati, O‘zLiDeP partiyasi a’zosi A. Anarov Angren shahar Namuna mahalla fuqarolar yig‘ini raisi bilan birgalikda mahalla hududida o‘rganish ishlarini olib bordi.

O‘rganish jarayonida hududdagi mavjud ijtimoiy-maishiy muammolar, obodonlashtirish ishlari, infratuzilma holati hamda aholini qiynab kelayotgan masalalar joyiga chiqqan holda ko‘zdan kechirildi.

Murojaatlar davomida aholi tomonidan kommunal xizmatlar, ichki yo‘llarni ta’mirlash, obodonlashtirish hamda boshqa dolzarb masalalar yuzasidan bildirilgan takliflar muhokama qilindi. Har bir murojaat yuzasidan tegishli tartibda chora-tadbirlar belgilandi hamda mas’ul tashkilotlar bilan hamkorlikda ko‘rib chiqish va amaliy yordam ko‘rsatish bo‘yicha kelishuvlarga erishildi.

Mazkur o‘rganish va uchrashuvlar fuqarolar bilan ochiq muloqotni ta’minlash, ularning muammolarini o‘z vaqtida hal etish hamda hududlarni yanada rivojlantirishga xizmat qilmoqda.