Bozataw rayonı “Qusxanataw” APJ aymaǵında jaylasqan 4-sanlı ulıwma orta bilim beriw mektebinde 2-sanlı "Erik bag" okrugi deputatı, rayon hákimi Ubbiniyazov Batirbek Ongarbaevich hám tiyisli taraw basshıları menen birgelikte aymaqta jasawshı puqaralardıń múrájatların úyreniw hám olarǵa unamlı sheshim tabıw maqsetinde náwbettegi kóshpeli qabıllaw ótkerildi.

Bolıp ótken qabıllawǵa tiyisli taraw wákilleri, máhálle jetiligi, deputatlar hám aymaq turǵınları qatnastı. Qabıllaw dawamında puqaralar tárepinen bántlik, ishimlik suw máselesi, jeńilletilgen kredit alıwda ámeliy járdem kórsetiw, kadastr hámde basqada turmıslıq mashqalalarǵa baylanıslı bolǵan múrájatlar kelip tústi.

Bunda puqaralar tárepinen bildirilgen bir qatar múrájatlar sol orınnıń ózinde qanaatlandırıldı, sheshimi waqıt talap etetuǵın múrájatlardıń unamlı sheshim tabıwı ushın juwapkerlerge anıq tapsırmalar berildi.