Oqdaryo tumanida “Ochiq byudjet” bo‘yicha yig‘ilish o‘tkazildi.

📌Oqdaryo tumanida jamoatchilik fikri asosida “Ochiq byudjet” axborot portalida shakllangan tadbirlarni o‘rganish, tahlil qilish va xulosa berish masalalariga bag‘ishlangan yig‘ilish bo‘lib o‘tdi. Unda Xalq deputatlari Oqdaryo tuman Kengashi raisi A. Abdusaidov, kotibiyat mudiri D. Adilova, tuman iqtisodiyot va moliya bo‘limi mas’ullari hamda ishchi komissiya a’zolari ishtirok etdi.

📌Yig‘ilishda O‘zbekiston Respublikasi Prezidentining 2021-yil 13-martdagi PQ-5072-son qarori hamda Oliy Majlis Senatining 2024-yil 30-yanvardagi KQ-666-IV-son qarori asosida tashabbusli byudjet jarayonlarini tashkil etish va moliyalashtirish tartibi yuzasidan amalga oshirilayotgan ishlar muhokama qilindi.

📌Ma’lum qilinishicha, joriy yil 1–20-fevral kunlari davomida openbudget.uz portali orqali Oqdaryo tumanida mavjud muammolarni hal etishga qaratilgan 80 ta taklif kelib tushgan. Ushbu takliflar sohalar kesimida o‘rganilib, ularning qiymatini aniqlash hamda xulosa berish uchun ishchi komissiyaga taqdim etilgan.

📌Yig‘ilish yakunida takliflarni portalga kiritish, ayrimlarini tegishli xulosalar asosida qaytarish hamda 11–20 mart kunlari o‘tkaziladigan ovoz berish jarayonini samarali tashkil etish bo‘yicha mas’ullarga aniq vazifalar belgilab berildi.

📌Mazkur jarayonlar ijrosi tuman hokimining birinchi o‘rinbosari E. Ashurov nazoratida olib boriladi.