Oilaviy poliklinikaning qurilishi ishlari o‘rganildi 

2025-yilning 7-may kuni O‘zbekiston Respublikasi Prezidenti Shavkat Mirziyoev raisligida sog‘liqni
saqlash tizimini yanada takomillashtirish masalalariga bag‘ishlab o‘tkazilgan kengaytirilgan
yig‘ilishda xususan, “90 kunlik o‘zgarishlar vaqti” doirasida belgilab berilgan
topshiriqlar ijrosini ta’minlash bo‘yicha tumanda bir qator ishlar amalga oshirilgan.
 

Ushbu ishlarning bajarilishi doirasida xalq deputatlari Quva tuman Kengashi deputatlari tumandagi
Yangi hayot mahalla fuqarolar yig‘ini hududida joylashgan 4-son oilaviy poliklinikada
“Hamkor-House SSS” mas’uliyati cheklangan jamiyati tomonidan amalga oshirilayotgan
qurilish ishlarining sifati va bajarilish holatini o‘rgandilar.  

Mazkur ob’ektda olib borilayotgan ishlar sifatidan deputatlar qoniqish hosil qilgan bo‘lsalarda,
qurilishni yakunlash muddati kechikayotganini mas’ullarga alohida ta’kidlab, ish
suratini tezlatish lozimligi yuzasidan tavsiyalar berdilar.