Bog‘izag‘on mahallasida istiqomat qiluvchi fuqaro J. Obloqulovaning murojaati yuzasidan Xalq deputatlari Toyloq tumani Kengashi kotibiyati mudiri, 15-Bog‘izag‘on saylov okrugidan saylangan deputat B. Xamrayev murojaatchining yashash manziliga bordi.

Murojaatda fuqaroning yashash xonadoni orqa qismida joylashgan avtomobillarga texnik xizmat ko‘rsatish shahobchasida tungi vaqtlarda yuzaga kelayotgan shovqin sababli xotirjam dam olish imkoniyati cheklanayotgani bayon etilgan.

Mazkur holat joyiga chiqib o‘rganildi. Texnik xizmat ko‘rsatish shahobchasi faoliyati ko‘zdan kechirilib, mas’ul shaxslarga amaldagi tartib-qoidalarga rioya etish hamda fuqarolarning osoyishtaligini ta’minlash yuzasidan tegishli tushuntirishlar berildi.

Natijada murojaatda ko‘tarilgan masala joyida ijobiy hal etildi.
t.me/Toyloq_tuman_Kengashi