Xalıq deputatları Qaraózek rayonlıq Keńesi hám rayon hákimligi, shańaraq hám hayal-qızlar bólimi, rayonlıq mektepke shekemgi hám mektep bilimlendiriw bólimleri baslaması menen 11-sanlı mektepte bilimlendiriw mákemelerinde islewshiler arasında ushırasıw ótkerildi. 

Ushırasıwda Xalıq deputatları Qaraózek rayonlıq Keńes deputatı S.Joldıbaev, rayon hákimi orınbasarı, shańaraq hám hayal-qızlar bólimi baslıǵı R.Sagidullaeva, din isleri komiteti rayonlıq bólimi wákilleri hám ishki isler, mektepke shekemgi hám mektep bilimlendiriw bólimleri wákili qatnastı. Ilajda bilimlendiriw mákemelerinde ruwxıy- aǵartıwshılıq jumısları, tálim-tarbiya beriwdiń sapasın jaqsılaw, mámleketimiz tárepinen tarawǵa qaratılǵan itibar, jaslarǵa tálim-tárbiya beriw hám ruwxıy salamat ortalıqtı jaqsılaw, erte turmıs qurıwdıń aldın alıw, kiberqáwipsizlik máselesinde ayrıqsha itibar qaratılıwı, bul baǵdarda tiyisli ilajlar kóriw boyınsha pikir alısıldı.