Oliy Majlis deputatlari D.Azizova A. Temirov hamda Viloyat Milliy tiklanish partiyasi raisi S. Mirzaev Kosonsoy tumanining Tagijar mahalla fuqarolar yig‘iniga amaliy tashrif buyurdilar.

Tashrif davomida mehmonlar mahallada barpo etilgan Ijtimoiy inson markazi faoliyati bilan yaqindan tanishib, aholiga ko‘rsatilayotgan ijtimoiy xizmatlar, fuqarolar murojaatlari bilan ishlash tizimi hamda yaratilgan shart-sharoitlarni ko‘zdan kechirdilar.

Shuningdek, tumandagi 8-sonli umumta’lim maktabiga tashrif buyurilib, ta’lim sifati, o‘quv jarayoni, maktabning moddiy-texnik bazasi va o‘qituvchi-o‘quvchilar uchun yaratilgan imkoniyatlar bilan tanishildi. Suhbatlar davomida ta’lim sohasida amalga oshirilayotgan islohotlar, mavjud muammolar va ularning yechimlari xususida fikr almashildi.