Xalq deputatlari Chilonzor tumani Kengashi deputati Tuganbekov Oybek Baxrombekovich o'z faoliyati yuzasidan saylovchilarga axboroti

Chilonzor tumanining "Kichik Xirmontepa" mahallasida xalq deputatlari Chilonzor tuman Kengashiga 22-Mehrjon saylov okrugidan saylangan deputat Tuganbekov Oybek Baxrombekovich ishtirokida saylovchilar bilan uchrashuv va axborot yig‘ilishi bo‘lib o‘tdi. Tadbirda mahalla raislari, mahalla faollari ishtirok etdi.

Uchrashuvda deputat amalga oshirilgan ishlar, saylovchilar murojaatlari bilan ishlash, hududdagi muammolarni aniqlash va ularni bartaraf etish borasidagi faoliyati yuzasidan batafsil axborot berdi.

Deputat chorak davomida Chilonzor tuman Kengashi sessiyalarida ishtirok etib, aholini qiynayotgan masalalarni muntazam ko‘tarib kelmoqda hamda ularning yechimi yuzasidan tegishli tashkilotlarga taklif va tashabbuslar kiritib kelmoqda.

️Uchrashuv davomida aholi tomonidan bir qator muammoli masalalar ko‘tarildi. Xususan, mahalla idorasining issiqlik tizimiga ulanishdagi muammo deputat tomonidan joyida hal qilindi.

Yig‘ilish yakunida deputat O. Tuganbekov fuqarolar murojaatlari doimo nazoratda bo‘lishini, har bir muammo tizimli ravishda hal etib borilishini ta’kidladi.