«Mahallalarda sport infratuzilmasi qay ahvolda? Hududlarda o‘rganish
ishlari davom etmoqda» 

Aholi, ayniqsa, yoshlar o‘rtasida sog‘lom turmush tarzini targ‘ib qilishda
sport inshootlarining o‘rni beqiyos. Biroq mavjud zallarimiz va sport anjomlari
bugungi kun talabiga javob beradimi? 

13-Chimqo‘rg‘on saylov okrugi deputati hududdagi ta’lim muassasalari va
mahallalardagi sport infratuzilmasini o‘rganish maqsadida navbatdagi ko‘zdan
kechirish ishlarini olib bordi. Bu safargi manzil 18-sonli umumta’lim
maktabining sport zali bo‘ldi. 

O‘rganish davomida quyidagilarga asosiy e’tibor qaratildi: 

Sport anjomlari (turniklar, to‘plar, gimnastika jihozlari)ning mavjudligi
va sozligi; 

Darsdan tashqari vaqtlarda mahalla yoshlari uchun yaratilgan sharoitlar. 

Deputat tomonidan maktab sport zalining jihozlanishi va mavjud kamchiliklar
yuzasidan mas’ullarga tegishli tavsiyalar berildi. Maqsad bitta-har bir bola va mahalla ahli sifatli va xavfsiz sport
maydonlarida mashg‘ul bo‘lishini ta’minlash.