Халық депутатлары Бозатаў районлық Кеңесиндеги Исбилерменлер ҳәрекети -Өзбекстан Либерал демократиялық партиясы депутатлық топарының мәжилиси өткерилди. 

Мәжилисте, Бозатаў районы Медицина бирлеспеси тәрепинен алып барылып атырған жумыслар ҳаққында тараў ўәкилиниң есабаты тыңланды. 2017 - 2021-жылларда Өзбекистан Республикасын раўажландырыўдың бес тийкарғы бағдары бойынша Ҳәрекетлер стратегиясын "Жасларды қоллап-қуўатлаў ҳәм халықтың саламатлығын беккемлеў жылы"нда әмелге асырыўға байланыслы Мәмлекетлик бағдарламаға муўапық қәнигелестирилген медициналық хызметти халыққа жақынластырыў, қыстаўлы медициналық жәрдемди өз ўақтында көрсетиў есабынан пуқаралардың өмирин сақлап қалыў ҳәм олардың жедел мийнет қәбилетин тиклеў имканиятын жаратыў, балалар, туўыў жасындағы, ҳәмиледар ҳәм емизиўли ҳаялларды профильактикалық арнаўлы препаратлар менен бийпул тәмийинлеў және нефрология ҳәм гемодиализ жәрдемин көрсетиў системасын буннан былай да жақсылаў бойынша айтып ѳтти. Илаж даўамында сораў-жуўап ҳǝм пикир-үсыныслар билдирилип ѳтилди.