Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston “Adolat” sotsial-demokratik partiyasidan saylangan deputat N.Nadirova tomonidan o‘ziga biriktilgan O‘zbekiston Respublikasining “Madaniy faoliyat va madaniyat tashkilotlari to‘g‘risida”gi Qonuni ijrosini bo‘yicha tuman Madaniyat bo‘limida ishlab chiqilgan savolnomalar asosida o‘rganish o‘tkazildi.

🔺O‘rganish jarayonida madaniyat muassasalari faoliyatini qonun talablari asosida tashkil etish, aholiga madaniy xizmatlar ko‘rsatish sifati, madaniy-ma’rifiy tadbirlarni tashkil etish, milliy va umuminsoniy qadriyatlarni targ‘ib qilish, yoshlarni madaniyat va san’atga keng jalb etish borasida amalga oshirilayotgan ishlar tahlil qilindi.

🔺Shuningdek, to‘garaklar va havaskorlik jamoalari faoliyati, ularning moddiy-texnik bazasi, xodimlarning mehnat faoliyati uchun yaratilgan shart-sharoitlar hamda aholiga xizmat ko‘rsatish samaradorligi o‘rganildi. Muassasalarda madaniy tadbirlarni rejalashtirish va o‘tkazish, aholining turli qatlamlarini qamrab olish, ayniqsa, yoshlar va xotin-qizlarni madaniy jarayonlarga jalb etish holatiga alohida e’tibor qaratildi.

🔺Deputat tomonidan madaniyat muassasalarida davlat tili to‘g‘risidagi qonunchilik talablariga rioya qilinishi, ma’naviy-ma’rifiy ishlar samaradorligi, madaniy merosni asrash va targ‘ib qilishga qaratilgan chora-tadbirlar ham ko‘rib chiqildi. Shu bilan birga, mavjud infratuzilmadan samarali foydalanish, to‘garaklar faoliyatini kengaytirish va aholi uchun madaniy xizmatlar qamrovini oshirish yuzasidan amalga oshirilayotgan ishlar muhokama qilindi.

🔺O‘rganish davomida ayrim yo‘nalishlarda takomillashtirishni talab etadigan masalalar aniqlanib, ularni bartaraf etish, madaniyat muassasalari faoliyati samaradorligini yanada oshirish, aholi uchun ko‘rsatilayotgan madaniy xizmatlar sifatini yaxshilash hamda qonun talablarining to‘liq ijrosini ta’minlash bo‘yicha mas’ullarga tegishli tavsiya va takliflar berildi.