Tadbirkorlik faoliyati va bandlik masalalari o‘rganildi

🇺🇿 «O‘zbekiston Respublikasi Oliy Majlisi Qonunchilik palatasining Reglamenti to‘g‘risida»gi O‘zbekiston Respublikasi Qonunining 33⁹--moddasiga muvofiq, 2026-yil 24–27-iyun kunlari Qonunchilik palatasi deputatlarining saylov okruglarida olib borayotgan o‘rganishlari doirasida Oliy Majlis Qonunchilik palatasi deputati Durbek Axmedov Uchtepa tumanidagi Katta Cho‘ponota mahallasida bo‘ldi. O‘rganishda tuman Kengashi kotibiyati mudiri Anvar Usmanov hamda kotibiyat bosh mutaxassisi Zarnigor Kuziyevalar ishtirok etdi.

🗂 Tashrif davomida O‘zbekiston Respublikasi Prezidentining 2025-yil 15-oktabrdagi PQ–303-sonli “Zargarlik sohasida faoliyat yuritayotgan tadbirkorlik subyektlarini yanada qo‘llab-quvvatlash chora-tadbirlari to‘g‘risida”gi qarori ijrosi yuzasidan Uchtepa tumanida faoliyat yuritayotgan, rahbari Sardor Muxamedjanov bo‘lgan “Simay” MChJ QK faoliyati o‘rganildi.

↗️ Korxonada bugungi kunda 40 nafardan ortiq xodim mehnat qilayotgani, ishlab chiqarish hajmlarining ortib borayotgani hamda qo‘shimcha 30 ta ish o‘rniga ehtiyoj mavjudligi ma’lum qilindi. Shuningdek, O‘zbekiston Savdo-sanoat palatasi ko‘magida Iroq Respublikasiga amalga oshirilgan biznes missiyasi yakunida korxona tomonidan qariyb 100 million AQSH dollari miqdoridagi eksport shartnomasi imzolangani ta’kidlandi. Bu esa mahalliy ishlab chiqaruvchilarning xalqaro bozordagi raqobatbardoshligi ortib borayotganidan dalolat beradi.

💬 Muloqot davomida tadbirkorlik subyektlari faoliyatiga to‘sqinlik qilayotgan ayrim muammolar ham o‘rganildi. Xususan, ekologiya yo‘nalishidagi ayrim tizimli masalalar hamda ishlab chiqarish faoliyatini yanada kengaytirish bilan bog‘liq muammolar yuzasidan tadbirkorlarning fikr-mulohazalari tinglandi.

📝 O‘rganish yakunida mavjud muammolarni mutasaddi tashkilotlar bilan hamkorlikda hal etish, yangi ish o‘rinlarini yaratish va eksport salohiyatini yanada oshirish bo‘yicha tegishli taklif va tavsiyalar ishlab chiqilishi belgilandi.