Халқ депутатлари Наманган вилояти Кенгаши томонидан “Сардоба” маҳалласида ўрганиш ишлари олиб борилди. Мазкур ўрганишларда вилоят Кенгаши котибияти мудири Т.Гаппаров, вилоят Кенгашининг Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссия раиси И.Икромов, комиссия раисининг ўринбосари Р.Эгамбердиев, ҳудудий сайлов комиссияси раиси ўринбосари У.Урманова, шаҳар Кенгаши депутатлари Н.Убайдуллаев ва О.Юсупов ҳамда Кенгаш котибияти ходимлари иштирок этдилар.

Ўрганиш давомида “Сардоба” маҳалласи фуқаролари йиғини биносида яратилган шарт-шароитлар, моддий-техника таъминоти, аҳолига хизмат кўрсатиш даражаси ҳамда мурожаатлар билан ишлаш тизими таҳлил қилинди.

 Шунингдек, маҳалла “еттилиги” томонидан аҳоли бандлигини таъминлаш, камбағалликни қисқартириш, ёшлар ва хотин-қизлар билан манзилли ишлаш, ҳуқуқбузарликларнинг олдини олиш борасида амалга оширилаётган ишларга алоҳида эътибор қаратилди ва масъулларга тегишли топшириқ ҳамда амалий тавсиялар ишлаб чиқилди.

Маҳалла тизимида аҳоли билан ишлаш самарадорлигини ошириш, очиқлик ва манзилли ёндашувни кучайтириш бугунги куннинг долзарб вазифаларидан бири ҳисобланади.