Өзбекстан Экологиялық партиясы Қараөзек районлық Кеңеси ҳәм партия депутатлық топары, Қарақалпақстан Республикасы Экология, қоршаған орталықты қорғаў ҳәм климат өзгериўи министрлиги жанындағы "Арал теңизи жаслары" волонтёрлар клубы менен биргеликте "Экологияны сақлаў ушын бирлесейик, жаслар!" эко-семинары болып өтти. Семинарда волонтёр жаслар тәрепинен экологиялық мәдениятты арттырыў, қоршаған орталықты қорғаўда жаслардың орны ҳәм экологиялық басламаларды әмелге асырыў бағдарлары бойынша пикир алысылды. Сондай-ақ, илаж шеңберинде эко-жойбарлардың презентациясы өткерилип, жаслардың дөретиўшилик ҳәм инновациялық идеялары көрсетилди. Илаж жуўмағында белсене қатнасыўшылар ҳәм ең жақсы баслама ийелерине партия тәрепинен миннетдаршылық хатлары ҳәм естелик саўғалары тапсырылды.