Шымбай районы ХДП: САЙЛАЎШЫЛАРДЫҢ МҮРӘЖАТЫ УНАМЛЫ ШЕШИМ ТАППАҚТА

Халық депутатлары Шымбай районлық Кеңесине 1-санлы «Р.Низаматдинов» сайлаў округинан сайланған депутат, ӨзХДП депутатлық топары ағзасы Х.Абдижалиев «Депутат мәҳалледе» жойбары шеңберинде өзи сайланған «Тазғара» АПЖ аймағында болды.

Буннан бир қанша мүддет алдын, депутат Х.Абдижалиевке сайлаўшылар тәрепинен “Тазғара” АПЖ аймағы Үлкен жәдик аўылың ишки жолын онлап, усы аўылға жаңадан заманагөй СИП кабеллерин қурып бериў мәселесинде мүрәжат келип түскен еди. Сол күннин өзинде билдирилген Сайлаўшылар мүрәжатлардан келип шығып, депутат Х.Абдижалиев тәрепинен тийисли мәкемелерге депутатлық сораў жиберилген еди.

Усы жиберилген депутат сораўына тийкар, бүгинги күнге келип Үлкен жәдик аўылының 2,5 км аралығына қум шебень (ШПС) араласпасы төселип, жаңадан заманагөй СИП кабеллери орнатылып берилди.

Илаж соңында сайлаўшылар депутат Х.Абдижалиевке өз миннетдаршылығын билдирип, мәмлекетимизде әмелге асырылып атырған реформалардан разылығын айтип өтти.