Xalq deputatlari tuman Kengashidagi OʻzLiDeP deputatlik guruhining mansabdor shaxslar hisobotlarini ko‘rib chiqish bo‘yicha navbatdagi yig‘ilishi bo‘lib o‘tdi. Tumandagi Maktabgacha va maktab ta’limi tashkilotlarida 2025–2026 yillar kuz-qish mavsumini barqaror o‘tkazish yuzasidan amalga oshirilgan ishlar o‘rganildi. O‘rganish davomida: ta’lim muassasalarining isitish tizimi to‘liq yangilangani, eski quvurlar zamonaviylariga almashtirilgani, ko‘mir zaxiralari tayyorlangani ma’lum bo‘ldi. Deputatlik guruhi tomonidan kuz-qish mavsumida barqaror ishlashni ta’minlash bo‘yicha amalga oshirilayotgan ishlar yuzasidan tuman Maktabgacha va maktab ta’limi bo‘limi rahbari D.Ayupovaning hisoboti ko‘rib chiqildi. Deputatlik eshituvi hulosasi bilan tegishli masala xalq deputatlari tuman Kengashining “Ijtimoiy soha, yoshlar siyosati, madaniyat va sport masalalari bo‘yicha” doimiy komissiyasida ko‘rib chiqish uchun tavsiya etildi. 

  Xalq deputatlari Uchko‘prik tumani Kengashi kotibiyati