Amalga oshirilgan ishlar yuzasidan saylovchilarga axborot berish maqsadida Xalq deputatlari Parkent tuman Kengashi deputati Uboydullayeva Yulduz Abrorjonovna va Xalq deputatlari Toshkent viloyati Kengashi deputati M.Nizomiddinov tomonidan Parkent tumanining Krasnogorsk shaharchasida joylashgan “Chotqol” madaniyat uyida saylovchilar bilan amaliy uchrashuv tashkil etildi. Unda hududda joylashgan mahalla fuqarolar yig‘inlari vakillari ishtirok etdi. Uchrashuv davomida deputatlar joriy yilning o‘tgan davrida olib borilgan faoliyati, saylovchilar murojaatlari asosida o‘rganilgan muammolar va ularning yechimi bo‘yicha ko‘rilgan chora-tadbirlar haqida batafsil ma’lumot berdi.