O‘zbekiston «Adolat» SDPdan saylangan Xalq deputatlari Amudaryo tumani Kengashi deputati, Kotibiyat mudiri Mansur Urazbayev tomonidan deputatlik faoliyatining muhim yo‘nalishlari doirasida tumandagi ijtimoiy soha obyektlarining 2026–2027-yillar kuz-qish mavsumiga tayyorgarlik holati hamda isitish tizimlarining sozligi yuzasidan deputatlik nazorati amalga oshirildi.

O‘rganish davomida deputat tumandagi 76-sonli umumta’lim maktabida bo‘lib, ta’lim muassasasida o‘quvchilar va pedagog xodimlar uchun yaratilgan shart-sharoitlar, isitish tizimlarining holati hamda sovuq mavsumni betalafot va samarali o‘tkazishga qaratilgan tayyorgarlik ishlari bilan yaqindan tanishdi.

Mazkur o‘rganishdan asosiy maqsad — ta’lim muassasasida qish mavsumida munosib ta’lim olish uchun zarur sharoitlarni ta’minlash, mavjud kamchiliklarni aniqlash va ularni bartaraf etish yuzasidan tegishli choralar ko‘rilishiga ko‘maklashishdan iborat.

Deputatlik nazorati — aholi manfaatlarini himoya qilish, ijtimoiy soha obyektlarida xizmatlar sifatini oshirish hamda mavjud muammolarga amaliy yechim topishda muhim ahamiyat kasb etadi.