#Doimiy_komissiya_yigilishi

🏛 KORRUPSIYAGA QARSHI KURASHISH VA XAVFSIZLIK MASALALARI MUHOKAMA QILINDI
🇺🇿 Xalq deputatlari Yangiariq tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi yig‘ilishi bo‘lib o‘tdi.
📌 Yig‘ilishda tumanda kriminogen vaziyatni yaxshilash, huquqbuzarliklar profilaktikasini kuchaytirish, jinoyatchilikka sabab bo‘layotgan omillarni bartaraf etish, korrupsiyaning oldini olish hamda aholi murojaatlari bilan ishlash samaradorligini oshirish masalalari atroflicha muhokama qilindi.
🗂 Kun tartibiga muvofiq, quyidagi masalalar ko‘rib chiqildi:
🔹 1. Tuman Ichki ishlar bo‘limi boshlig‘ining 2026-yil III choragi davomida tumanda kriminogen vaziyatni yaxshilash, huquqbuzarliklar profilaktikasini ta’minlash, jinoyat sodir etilishiga sabab bo‘luvchi omillarni bartaraf etish hamda korrupsiyaning oldini olish borasida amalga oshirilgan ishlar to‘g‘risidagi hisoboti.
🔹 2. O‘zbekiston Respublikasi Prezidentining Yangiariq tumanidagi Xalq qabulxonasi mudiri o‘rinbosari S. Boltayevning 2026-yilning 9 oyi davomida aholi murojaatlari bilan ishlash, fuqarolarni qiynayotgan muammolarni o‘rganish va ularning yechimini ta’minlash yuzasidan axboroti.
🔹 3. Yangiariq tumani hokimligida “Edo.ijro.uz” elektron hujjat almashinuvi tizimi orqali nazoratga olingan xatlar va murojaatlarning 2026-yil III chorak yakunlari bo‘yicha ijro holati.
🔹 4. O‘zbekiston Respublikasi Prezidentining 2025-yil 21-apreldagi PF–71-sonli “Korrupsiyaga qarshi kurashish tizimini yanada takomillashtirish to‘g‘risida”gi Farmonida belgilangan vazifalar ijrosi va korrupsiyaga qarshi kurashish tizimini yanada takomillashtirish masalalari.
⚖️ Muhokamalar davomida mas’ul tashkilotlar faoliyati, belgilangan vazifalarning ijrosi, mavjud muammolar hamda ularni bartaraf etish choralari yuzasidan fikr va mulohazalar bildirildi. Shuningdek, fuqarolar murojaatlarini o‘z vaqtida va sifatli ko‘rib chiqish, ijro intizomini mustahkamlash, huquqbuzarliklarning barvaqt oldini olish hamda korrupsiyaga nisbatan murosasiz munosabatni shakllantirish muhimligi ta’kidlandi.
✅ Yig‘ilish yakunida kun tartibidagi masalalar yuzasidan doimiy komissiya a’zolarining munosabatlari tinglanib, tegishli taklif va tavsiyalar bildirildi.
🤝 Asosiy maqsad — tumanda qonun ustuvorligini ta’minlash, jamoat xavfsizligini mustahkamlash, korrupsiyaning oldini olish va aholi murojaatlari bilan ishlash samaradorligini oshirish orqali fuqarolar manfaatlarini himoya qilishdir.
©️ Xalq deputatlari Yangiariq tumani Kengashi kotibiyati
#Yangiariq #XalqDeputatlariKengashi #DoimiyKomissiya #KorrupsiyagaQarshiKurash #JamoatXavfsizligi #IjroIntizomi