🏢 Muammo nimada? Ipoq mahallasidagi ko‘p qavatli uylarda yashovchi aholi, ayniqsa, keksa fuqarolar va yosh bolalar kechki vaqtlarda sayr qilish va dam olish jarayonida muayyan qiyinchiliklarga duch kelmoqda. Ko‘p qavatli uylar atrofida jamoat hojatxonasi mavjud emasligi sababli hududning sanitariya-gigiyena holati yomonlashishi hamda noqulay muhit yuzaga kelishi kuzatilmoqda.

📝 Deputat so‘rovida qanday masalalar ilgari surilgan? Deputat U.Xudayberdiyev “Xalq deputatlari viloyat, tuman va shahar Kengashi deputatining maqomi to‘g‘risida”gi Qonun talablariga tayangan holda quyidagi choralarni ko‘rishni so‘ragan:
1.O‘rganish: Ipoq mahallasidagi ko‘p qavatli uylar atrofida jamoat hojatxonasi qurish masalasini atroflicha o‘rganib chiqish;
2. Joy belgilash: Sanitariya va shaharsozlik talablariga mos keladigan munosib joyni aniqlash;
3.Moliyalashtirish: Inshootni qurish uchun zarur mablag‘ manbalarini aniqlash va moliyalashtirish choralarini ko‘rish;
4.Tozalikni ta’minlash: Hududning sanitariya-gigiyena holatini yaxshilash va atrof-muhitni ifloslanishdan saqlash bo‘yicha amaliy tadbirlarni belgilash.
Ushbu masalaning ijobiy hal etilishi mahalla hududida tozalikni ta’minlash hamda aholi uchun qulay va xavfsiz sharoit yaratishga xizmat qiladi.

Deputatlik so‘rovi ijrosi yuzasidan qonunchilikda belgilangan tartibda yozma javob taqdim etilishi kutilmoqda.

Masala deputat nazoratida.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz