IJTIMOIY REYESTRDAGI OILALAR XONADONLARIDA ENERGIYA SAMARADORLIGINI OSHIRISH CHORALARI OʻRGANILDI.

O‘zbekiston Respublikasi Prezidentining 2026 yil 5 fevraldagi “2026 yilda hududlarni yangicha yondashuvlar asosida rivojlantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-son qarori 13-bandi hamda Xalq deputatlari Uychi tuman Kengashining 2026-yil 4-maydagi VII-21-54-6-86-K/26-sonli qarori ijrosini ta’minlash maqsadida hududlarda o‘rganish ishlari amalga oshirilmoqda.

          Mazkur qaror talablariga koʻra, Energiya samaradorligi milliy agentligi tomonidan Ijtimoiy himoya milliy agentligi bilan hamkorlikda 2026 yil 1 martdan boshlab “mahalla yettiligi” xulosasi asosida Ijtimoiy reyestrga kiritilgan, I guruh nogironligi boʻlgan hamda mehnatga layoqatli aʼzosi mavjud boʻlmagan oilalar xonadonlarining energiya samaradorligini oshirishga qaratilgan ishlar amalga oshirilishi belgilangan.
         Shu munosabat bilan mazkur yoʻnalishda belgilangan vazifalar ijrosini oʻrganish maqsadida, Xalq deputatlari Uychi tuman Kengashi kotibiyat mudiri, 8-Muborak saylov okrugi deputati N.Dedaxanova hamda masʼul xodimlar ishtirokida tumandagi 21-G‘ayrat  saylov okrugi G‘ayrat  mahalla fuqarolar yigʻini hududida oʻrganish ishlari olib borildi.
         O‘rganish jarayonida G‘ayrat mahalla fuqarolar yig‘ini hududida yashovchi, 1-guruh nogironi Abdurazzaqova Oydinaning xonadonida amalga oshirilayotgan uy-joy ta’miri ishlari ko‘zdan kechirildi.
        Tashrif davomida ta’mirlash ishlarining borishi, yaratilgan sharoitlar hamda bajarilayotgan ishlar sifati o‘rganildi. Shuningdek, uy-joy ta’miri ishlarini belgilangan tartib va muddatlarda sifatli yakunlash bo‘yicha tegishli tavsiyalar berildi.
Aholi farovonligini oshirish, kambagʻallikni qisqartirish va ijtimoiy himoyaga muhtoj oilalarni qoʻllab-quvvatlashga qaratilgan mazkur ishlar belgilangan tartibda davom ettirilmoqda.