XOTIN-QIZLAR MASALALARIGA OID SESSIYA OLDI HUJJATLARI O‘RGANILDI

Xalq deputatlari Namangan shahar Kengashi kotibiyati mudiri 

N. Ubaydullayev hamda kotibiyat bosh mutaxassislari A. Nurmatov va M. Abdulmajidov tomonidan xotin-qizlar masalalariga oid navbatdagi sessiya muhokamasiga kiritiladigan hujjatlar o‘rganildi.

O‘rganish davomida sessiya kun tartibidagi masalaga taalluqli hujjatlarning mazmuni, asoslantiruvchi ma’lumotlar va ularning belgilangan talablar asosida rasmiylashtirilishiga e’tibor qaratildi. 

Shuningdek, masala yuzasidan taqdim etilgan materiallarning mazmunan izchilligi hamda sessiyada ko‘rib chiqish uchun tayyorlangan hujjatlarning to‘liqligi tahlil qilindi.

Mazkur ishlar mahalliy Kengash deputati faoliyatining 24 ta muhim yo‘nalishi bo‘yicha tavsiyalar doirasida sessiyaga kiritiladigan masalalarni puxta tayyorlash, hujjatlarni dastlabki o‘rganish va ularning qonunchilik talablariga muvofiqligini ta’minlashga qaratilgan.

Shu bilan birga, masalaning mazmunidan kelib chiqib, O‘zbekiston Respublikasining 2019-yil 2-sentabrdagi O‘RQ-561-son “Xotin-qizlarni tazyiq va zo‘ravonlikdan himoya qilish to‘g‘risida”gi Qonuni talablarini inobatga olish muhimligi qayd etildi.

Sessiya oldi hujjatlarini puxta o‘rganish masalalarni atroflicha muhokama qilish, asosli qarorlar qabul qilish hamda ularning keyingi ijrosini samarali tashkil etish uchun muhim bosqich hisoblanadi.