🏛 Xalq deputatlari Chinoz tumani Kengashining ish rejasiga muvofiq, 4-Afg‘on saylov okrugidan saylangan deputat L. O‘tkirovga biriktirilgan Kengash kotibiyati bosh mutaxassisi B.Ortiqboyev tomonidan “Ehtirom” MFYda o‘rganish ishlari olib borildi.
🔎 O‘rganish davomida ijtimoiy ehtiyojmand fuqarolarga ko‘rsatilayotgan xizmatlar, nogironligi bo‘lgan shaxslarga berilayotgan imtiyozlar, kam ta’minlangan oilalarga nafaqa va moddiy yordam tayinlash hamda to‘lash holati tahlil qilindi.
📊 Ijobiy natijalar:
🔹 Yil boshida Ijtimoiy reestrda 25 ta oila bo‘lgan bo‘lsa, bugungi kunda 16 ta oila qolgan;
🔹 9 ta oilaning yashash sharoiti va daromadlari yaxshilangan;
🔹 2 nafar fuqaro doimiy ishga joylashtirilgan;
🔹 4 nafar fuqaroga 60 mln so‘m imtiyozli kredit ajratilgan;
🔹 2 nafar fuqaroga tikuv mashinalari ssuda asosida olib berilgan.
📉 Hozirda “Ehtirom” MFYda kambag‘allik darajasi 2,1 foizni tashkil etib, yil yakuniga qadar ushbu ko‘rsatkichni 1 foizga tushirish maqsad qilingan.
🤝 Shuningdek, ehtiyojmand oilalarni aniqlash, ularni manzilli ijtimoiy xizmat va moddiy yordamlar bilan qamrab olish hamda fuqarolar murojaatlari bilan ishlash bo‘yicha mas’ullarga tegishli tavsiyalar berildi.
✅ Aholini ijtimoiy qo‘llab-quvvatlash — deputatlik nazoratida!